ഹരിതാഭമായൊരു ശാന്തിതീരം ഞാന് തേടുന്നേ
ചരിതം മറിച്ച് നെടുവീര്പ്പോടെ ഞാന് കഴിയുന്നേ
ചിരകാലമായെന്റെ ഉള്ളിന്റെ യുള്ളില് തുടികൊട്ടി
ഒരു സ്വപ്ന സാക്ഷാല്കാരത്തിനായി ഞാന് മണിമുട്ടി
മാനത്തെ മാരിവില് കാഴ്ച കണ്കള് കുളിര്പ്പിച്ചേ
മഴമേഘം കാറ്റിന്റെ ചൂളവും പാര്ത്തു കഴിയുന്നേ
കനിവിന് ജലത്തിനായ് എത്രനാളായി മിഴിപൂട്ടി
കഴിയുന്നു ബീജങ്ങള് മണ്ണിന്നടിയില് സ്തുതിമീട്ടി
മിഴിനീട്ടി നില്ക്കും പൂമൊട്ടുകള് മൂകം പാടുന്നേ
മലരായ് വിരിയിയ്ക്കും സൂര്യനെ കാത്ത് നില്ക്കുന്നേ
പൂര്വദിക്കില് കണ്കള് പാര്ത്തു പക്ഷികള് നില്ക്കുന്നേ
പകലോന് വരുന്നതും നീട്ടി പാടീടാന് കൊതിപൂണ്ടേ...